Danis - Tavanasa
Entginas notizias da Danis-Tavanasa / part 12
(scret schaner 1985 da scolast Salvator Caduff)

Dalla vart orientala digl areal da scola ei nossa baselgia parochiala. Ella secatta pia a miez denter Danis e Tavanasa. Nossa baselgia ei dedicada alla ss. Trinitad ed ei baghegiada dils emprems paders caputschins, tarmess el 17avel tschentaner en nossa tiara per munconza da spirituals digl uestg da Milaun, s. Carli Baromeo. Ella datescha digl onn 1658. 300 onns ei nies sanctuari staus grond avunda. 1958, l'jamna ssuenter Dumegia alva, ei nossa baselgia vegnida renovada ed ingrondida. La nav ei vegnida spazzada total e restau ei mo il cor ed il clutger. Igl architect Berther, sesents a Turitg, ha lu construiu ina nova nav en fuorma octagona ed uniu quella cun il cor dalla anteriura baselgia. La firma August e Carli Beer han eregiu la nav e la firma Toni Berther ha ligiau la nav, cor e clutger ed aschia dau a nies sanctuari in niev vestgiu

La dumengia suenter Nossadunna d'uost la fiasta dalla Encrunaziun da Nossadunna, nossa Perdanonza igl onn 1959, ei nossa nova casa da Diu vegnida consecrada entras Monsignur uestg da Cuera Cristianus Caminada, e nies plevon Sur Gion Cadalbert ha puspei retschiert las clavs baselgia ord maun da Monsignur uestg.

Vargaus il survetsch divin festiv e la benedicziun-baselgia e vargaus gentar da pardanonza, serimnan pievel e clerus per lasecunda ga sil pierti avon nies sanctuari. Nus observein denter ils aspectaturs Monsignur uestg Cristianus Caminada, il mistral regent da lezzas uras Adalbert Wieland, il president da vischnaunca da Gion Antoni Cahannes ed aunc numerus prominents ecclesiastics e profans. Tut ch'ei plein tensiun e marveglia.

Nies poet da Tavanasa Gion Caduff ha concepiu in giug festiv per nossa fiastadalla benedicziun-baselgia.

Il cronist ed il chor viril arvan la presentaziun cun la suandonta canzun cumponida da Gion Antoni Derungs aposta per quei intent, viarva dil cronist.

Cun grond interess ha il publicum persequitau il giug ed admirau las scenas dil temps passau. Cul giug va la fiasta da benedicziun-baselgia alla fin edils da Danis-Tavanasa han ussa ina nova casa da Diu.

Igl onn 1974 ha la pleiv da Danis-Tavanasa saviu inaugurar ina nova casa pervenda. La veglia era bravamein defecta, ella ei vegnida spazzada e sil medem plaz han ins eregiu ina nova, digna casa per nos augsegners. Per l'inaugaraziun presenta il poet Gion Caduff ina poesia "la casa pervenda".  Il cumponist Armin Caduff, animaus dalla biala viarva ha dau alla poesia in emperneivel vistgiu musical. Il di dalla inauguraziun ha il chor mischadau cecilianschau resunar la canzun