Danis - Tavanasa
Entginas notizias da Danis-Tavanasa / part 2
(scret schaner 1985 da scolast Salvator Caduff)
Sper il stradun cantunal che manava encunter Trun e damanaivel dalla via che mava a Danis stat il hotel Crusch Alva. Il baghetg ei ils davos dis da december 1949 daventaus l'unfrenda d'in barschament. Il baghetg vegl purtava il num "Crusch Alva e Posta". Cheu fagieva la posta da cavals che cursava antruras tras la Surselva siu retegn, scargond e cargond passagiers e la rauba postala. Ina fotografia (dretg) muossa aunc la davosa posta da cavals sin siu davos retegn a Tavanasa. Da lezzas uras apparteneva il hotel Crusch Alva e Posta ad ina famiglia Geronimi che ei lu serendida a Glion. La Crusch Alva ei lu vegnida aquistada e menada biars onns dalla famiglia Gion Battesta Maissen-Mirer e silsuenter dalla famiglia Cantieni-Maissen.

Die letze Kutschenfahrt (rechts im Bild, Foto Maria Caduff) wurde 1912 zum Ereignis, da anschliessend der Bau der RhB fertiggestellt wurde und die Passagiere mit der Bahn transportiert wurden. Das Hotel "Crusch Alva e Posta" war der Umschlagplatz für Postgüter, bevor die Fahrt Richtung Disentis fortgesetzt wurde.

Nus cuntinuein viers damaun ed arrivein tier la famiglia e fatschenta dils cuntschapials ni sco els vegnevan numnai dils "gerbers". La fatschenta dils cuntschapials ei vegnida fundada da Giachen Fidel Caduff, naschius 1829 e morts 1900, cun agid dil cuntschapials tudestg cul num Sigfrid. Ils fegls Giusep e Salvator Caduff han empalau vinavon la fatschenta e surdau ella 1947 a Giacun Fidel Caduff, fegl da Giusep Caduff, che diregia la fatschenta da cuntschapials cun agid digl aug Salvator tochen 1954. Cun la prematura mort da Giacun Fidel Caduff-Berther ei la fatschenta da cuntschapials ida da rendiu. Ella ha pia tunschiu sur treis generaziuns ora ed era dapi onns la suletta e davosa fatschenta da cuntschapials en Surselva. Salvator Caduff, naschius 1875, il davos "gerber" en Surselva ei morts 1968.
Falls jemand aus der damaligen Zeit Fotos besitzt vom "Gerber"-Haus, dann bitte mir mailen oder senden
Ils cuntschapials da Tavanasa fagevan treis sorts curom. Numnadamein curom per solas, numnaus gala "Sohlleder", curom suren "Oberleder" e curom per curegias e plumpas e bransinas sco era per hottas da cavals cun tut quei che udeva leutier, quei era il schinumnau "Riemenleder". La materia prima per cuntschapials era principalmein la scorsa-pegn e lu era la scorsa-ruver. Quella surveva per cuntschar la gala. La scorsa vegneva raccoltada la primavera ed entschatta dalla stad, il temps che las plontas eran el meglier schit. Lu vegnevan ellas sechentadas. Las pials arrivan da tuttas varts tier ils cuntschapials a Tavanasa. Cheu vegneva la pial controllada e lu numerada. La pial vegn unssa fiersa en in butschin cun aua da caltschina. Suenter in per dis prida ora, messa sur il bum giu e lu schubergiada dalla palegna. La pial alva vegn uss aunc lavada ed ussa va ella alla cuntscha. Ina gronda bignera ei semtgada. En quella vegn ussa la pial rasada ora, springiu sissu scorsa pisadas (manizadas), puspei in pial e scorsa sissus.Quei vegn fatg cun ca. 15-20 tocs. Era la bignera pleina, vegnevan las pials e las scorsas bugnadas cun aua da scorsas. En quela bingera stevan las pials tres meins. Cheu daventava ord la pial il curom. Quei era la moda fundementala da far curom "Grubengerbung". Cun quei che quei mava pli plaun da far curom ha la tecnica svilupau miets artificials per la cuntscha da curom. Eran ils treis meins vargai, vegneva il curom prius ord bignera, lavaus, unschs cun gras, schigentaus e lu schubergiaus. Ussa era il curom semtgaus pil calgier.
Era la pial nuorsa arrivava tiel cuntschapials. Mo ord quella deva ei buca curom. La pial nuorsa vegneva impizida ed ei deva ordlunder in emperneivel tepi.