Danis - Tavanasa
Entginas notizias da Danis-Tavanasa / part 4
(scret schaner 1985 da scolast Salvator Caduff)

Igl onn 1908 ei la forza electrica arrivada a Tavanasa. In grond bein, mo per bia buca tuts che fidavan a quella novitad e stevan pli bugen cun las cazzolas d'ieli ni da petroli.

Ils da Tavanasa e Danis savevan naturalmein buca viver mo cun dil siu. Amiez Tavanasa anflein nus ina staziun da victualias. Ella vegneva menada a sias uras da Rest Antoni Caduff-Friberg, silsuenter da siu fegl Christian Caduff-Sialm e lu en tiarza generaziun dalla feglia veglia da Cristian, la Luisa. Entras la prematura mort dalla stimada Luisa ei la fatschenta USEGO da Tavanasa ida da rendiu.

Visavi la staziun, leu habitava igl aug Dèl sco el vegneva numnaus, il Giacun Fidel Caduff-Maissen. El era in brav pur e principalmein viturin. Bein enqual signur ha el menau d'in liug a l'auter el temps che negina via-fier cursava. Buca emblidar lein nus, tgi sa conta blocca ch'il fegl vegl digl aug Dèl, il Crisitan, ha menau ord ila uauls alla staziun, cunzun giu dil Vali e Catomen duront igl unviern. Ils 31 da fenadur 1912 cursescha la posta da cavals per la davosa ga tras Tavanasa.

La via-fier retica Glion-Mustér fa sia avertura igl onn 1912 e la staziun da Tavanasa sepresenta. Il tren menaus d'ina locomotiva a vapur camina tras la Surselva e remplazza ils cavals. La forza a vapur vegn igl onn 1924 remplezzada tras la forza electrica. Cun la staziun da via-fier a Tavanasa era uniu la posta e la centrala da telefon e telegraf, pia in interessant post. Igl emprem caustaziun a Tavanasa ei stau Martin Kramer da Leibstadt, Argovia. El ei staus in fetg emperneivel emploiau. Dapi 1912 tochen igl ir en pensiun eis el staus nies caustaziun, ni sco nus schevan nies Kramer. Mond en pensiun ha la vischnaunca da Breil honorau Martin Kramer cun numnar el burgheis d'honur dalla vischnaunca da Breil

Noch konnte ich nicht abklären, ob das Bild tatsächlich mit dem Start der Rhätischen Bahn 1912 in Verbindung zu bringen ist. Tatsache aber, dass das Bild beim Haus bei der alten Brücke entstanden ist.

Rätselhaft, dass die Lokomotive so neben das Haus "parkiert" steht....

Cursond la via-fier tras nossa vallada ei l'impurtonza da nos uauls carschida considerablamein. La lenna vegneva menada dils viturins alla staziun e da cheu spidida cun la via-fier als marcadonts e fatschentas da lenna ella bassa.

Das Haus des Bahnwärters Parpan, dessen Frau in der Schlammlawine 1927 ums Leben kam, als sie eben die Schranken der RhB bediente.