Danis - Tavanasa
Entginas notizias da Danis-Tavanasa / part 5
(scret schaner 1985 da scolast Salvator Caduff)

Avon biabein tschien onns (ca. 1885) existevan era casas o Muteins. Quellas ein idas en, e tut ei seretratgs a Tavanasa, probabel pervia dalla buna aua. Dapi ca. 20 onns (ca 1965) han ins puspei entschiet a secasar o Muteins, il motiv ei stau; igl encurir il sulegl. Oz (1985) dumbra la scheina da Muteins 9 casas, entginas cun pliras habitaziuns. Odem Muteins secata la centrala electrica dalla sociatad aczionara Frisal.

Gie dalla buna aua da Tavanasa ha gia il prenci-poet Giacun Casper Muoth da Breil cantau nossa canzun ed il cumponist A. Stoffel ha intonau ella. Onns ed onns schavan ils cantadurs da Danis-Tavanasa resunar cun anim "La fontauna freida da Tavanasa".

Da tut las fontaunas schi claras e saunas, che ein tier nus da casa, ei la franc strusch ina schi sachi nobla, schi fina sco quella da Tavanasa. Si'aua frestgonta e clar tarlischonta ei stada renconuschida dals nobels menaders e sabis derschaders, ch'an fatg sut gl'ischi l'unida. Ils nobel beadis han priu lur bubradis da sia frestg'aua glischa. Dal temps che tempronza e buna manonza regeva la tiara grischa. Aung ussa sgarguglia secatscha e buglia siu puoz da Tavanasa. Mo'ls buns menaders e gests derschaders han priu lur refugi en casa.

La fontauna freida secatta in tschancun dado Tavanasa, dadens Pardiala-pintga sper la via veglia Vuorz-Tavanasa. Quella fontauna freida menziunescha nies nunemblideivel scribent pader Maurus Carnot dalla claustra da Mustér en siu roman historic " GIERI GENATSCH". Sper la fontauna freida da Tavanasa lai il scribent far in paus ils umens dalla Cadi, che mavan a Glion sin ina impurtonta dieta ed il medelin declara cheu cun carpella il pertgei ch'ei setracti sin la dieta a Glion.

Gie dalla buna aua da Tavanasa ha gia il prenci-poet Giacun Casper Muoth da Breil cantau nossa canzun ed il cumponist A. Stoffel ha intonau ella. Onns ed onns schavan ils cantadurs da Danis-Tavanasa resunar cun anim "La fontauna freida da Tavanasa".

Nus havein udiu dils differents mistregns e fatschentas da Tavanasa, e nus lessen menziunar che bunamein tuts havevan sper lur mistregn, tgi in pli grond e tgi in pli pign menaschi puril, ina sanadeivla economia. Mo purs havevan nus fetgs paucs a Tavanasa. Oz (1985) anflein nus a Tavanasa las suandontas fatschentas; ina garascha d'autos e transports, la fabrica da monis e ristials, la fatschenta da restaurar autos demoli, l'ustria Helvezia, l'ustria dalla Staziun, la pasterneria, la fatschenta da tschenta plattas,, il barbier, la staziun-fier, ina stizun da textilias, la stizun da victualias VOLG, l'ustria dalla Crusch Alva, il pictur, la fatschenta da baghegiar, il kiosk e vi Surpunt l'ustria Surpunt e la stizun da victualias.

Fotos muss ich noch suchen!

 

Fotas stos jeu aunc enqurir!